ហ្គេម Jailbreak ផលិតដោយក្រុម DirexPlay ចេញជាផ្លូវការហើយ
ហ្គេម Jailbreak សម្រាប់ទូរស័ព្ទដៃដាក់អោយទាញយក និង លេងដោយឥតគិតថ្លៃហើយ ដែលជាហ្គេមដកស្រង់ចេញពីខ្សែរភាពយន្ត Jailbreak ផ្ទាល់តែម្តង។ វាជាប្រភេទហ្គេមផ្សេងព្រេងបែបម្នាក់ឯងក៏បាន និង លេងជាលក្ខណៈ Online Multiplayer ក៏បានផងដែរ អមដោយលក្ខណៈពិសេសជាច្រើន ពោលគឺចូលទៅក្នុងគុក ដើម្បីធ្វើការផ្សងព្រេង និង កម្ចាត់ឪក្រិដ្ឋជនចេញអោយឆ្ងាយធ្វើយ៉ាងណា ដើម្បីទទួលបានភាពជោគជ័យក្នុងបេសកកម្មមួយនេះ។
គួរបញ្ចាក់ផងដែរថា ក្រុម DirexPlay គឺជាក្រុមបង្កើតហ្គេមមួយក្នុងប្រទេសកម្ពុជាយើងសម្រាប់ទូរស័ព្ទដៃ និង ទទួលបានស្នាដៃជាច្រើនគួរសម្យដែរមកហើយ ខណៈពេលនេះ Jailbreak គឺជាហ្គេមថ្មីមួយទៀតរបស់ពួកគេ ដូច្នេះហើយ ពួកយើងគប្បីជួយជ្រួមជ្រែងក្នុងការផ្តល់ជាកម្លាំងចិត្តចូលរួមទាញយកលេងសាកល្បងអោយបានកាន់តែច្រើនកាន់តែល្អសម្រាប់ពួកគាត់ផងដែរ។ យ៉ាងណាមិញវាទើបនឹងដាក់អោយទាញយកសាកល្បង អាចនិយាយបានថា ត្រឹមជា Beta មិនទាន់គ្រប់លក្ខណៈពេញលេញនោះទេ វានៅមានបញ្ហាសម្រាប់ iPhone មិនទាន់អាចលេង Online បាន ដូច្នេះហើយក្រុមការងារ DirexPlay កំពុងតែដុតដៃដុតជើងលើបញ្ហានេះ។
ក្នុងវគ្គនីមួយៗរបស់ហ្គេមនេះវាមានឈុតឆាកដែលគួរអោយចាប់អារម្មណ៍ជាច្រើន ជាពិសេសខ្ញុំចូលចិត្តការឌីហ្សាញរបស់ក្រុម DirexPlay គឺវាគួរអោយទាក់ទាញនិងចាប់អារម្មណ៍ដោយសារតែប្លែកភ្នែកមែនទេន ថែមទាំងមានផ្ទាំងបង្ហាញអក្សរដែលគួរអោយជាប់ចិត្តដិតអារម្មណ៍ផងដែរ។ លោកអ្នកក៏អាចចាប់ផ្តើមផ្សេងព្រេងនិងជ្រើសរើសតួអង្គដើម្បីផ្គាប់ចិត្តខ្លួនឯងជាមួយហ្គេមនេះផងដែរ ។ តោះចាំកាលទៀត ទាញយកតាមរយៈ តំណរខាងក្រោមនេះ
Comments
Post a Comment